الحقيقه وراء كوبايه الزبادى

الحقيقه وراء كوبايه الزبادى






لا هى سايبه زى اللبن ولا جامده زى القشطه ... مايعة كده مش راسية على بر .. ماتفهمش مالها بالظبط ؟؟؟؟ اهو ده حالنا يا جماعه ... اى والله حالنا


شوفوا كده بقينا لا راسيين على حاجه ولا عارفين اخرتها ايه .. ولاخدنا عصفور ف اليد ولا شوفنا العشره الى عالشجره !!!!






ماهو مينفعش نفضل كده على طول الخط .. الشعب يريد ان يفهم ايه النظام بالظبط ؟؟؟؟


ولا انتوا رأيكم ايه ماتخليكوا معايا كده !!! .. طب انا مبحبش الزبادى وشكلى كمان هكره الجيلى ...عشان عمايله الى مش عاجبه حد لا من بعيد ولا من قريب ... وشكلى كنت ظالمه القشطه طلعت بنت حلال ...احنا بقينا ف الوقت الى معروف بأسم " الراقصون على السلم" لا احنا فوق ولا احنا تحت ومش عارفين نهايه الجو ده 75;يه .. اصل حتى مش باينلها ملامح ...






هو اه طبيعى ان الدنيا تكون متلخبطه واننا نكون على صفيح ساخن زى الى بنسخن عليه اللبن بالظبط بس لحد دلوقتى لا هو " فار " ولا هو " غلــــــى " ..لكن المفروض يكون فيه شويه ترتيبات محطوطه توصلنا وتقولنا اننا بعد 10 سنين ولا 100 سنه حتى هنكون كذا .. لكن احنا ماشيين بالبركه .. وزى مابيقول المثل " الحركه بركه " و " فى العجله الندامه " ويابنى ادم اجرى جرى الوحوش غير رزقك لن تحوش " والبقيه تأتى بقى وحالنا سورى بقى يعنى بقى مايع ومن غير ملح وانا مبحبش المياعه بصراحه










طب يا شباب ويا جيل يا صاعد هنعمل ايه ؟؟ ماحنا كلما تطول مرحله جس النبض ومرحله "كوبايه الزبادى " دى بتقلقنى .. معنديش مانع الفتره الانتقاليه تاخد وقتها لكن تكون محدده اولويات لكل مرحله وخطط محطوطه ونمشى عليها بدون تباطؤ ابوس ايديكم وانا اول واحده هسمع الكلام ..مش هفتح " ماى ماوث" تانى ..










خلاصه الكلام انا مبكرهكوش ف "الزبادى " ولا حاجه لا سمح الله .. الحريه الشخصيه مكفوله للجميع ولا بخون الى بيحبه وبرده الزبادى كله كالسيوم وحامينا وكل الكلام الحلو ده والحدق يفهم .... بس انا مبحبوش بعد ماطلعت نيته مش اد كده










وهذه الحقيقه وراء " كوبـــــــــــــــــــــــايه الزبـــــــــــــــــــــادى " والله الموفق










سارة كامل