اشرحلكوا ايه حكايه المحل ده معايا .. لالا مش بفكر افتح مشروع محل عصير قصب عشان اكون نفسى
بس الفكره كلها انى شبهت حياتى بيها .. حياتى ماشيه زى محل عصير القصب ازاى
هفهمكوا .....................
المحل ده احنا بنسميه محل عصير القصب لان دى الحاجه الاساسيه الى بيبعها المحل ...ومن غير(( القصب)) المحل هيقفل .. هتقولولى ايه وجه الشبه بين الاتنين .. انا هقولكوا .. حياتنا فيها اساسيات كتير منقدرش نعيش من غيرها
مبادئ ماشيين عليها .. طباع فى الشخصيه .. اخلاق ودين ... اصحاب واهل ...> كل دى اساسيات فى حياتنا لازم تكون موجوده من غيرها هتحس حياتك ملهاش لازمه
** نفتكر كده مع بعض هما بيبعوا ايه غير عصير القصب ؟؟ فيه(( مانجه)) .
هتقولوا ايه علاقتها بحياتى ؟؟ هقولكوا .. المانجه دى بتطلع مرة واحده فى السنه بس مش بيخزنوها عشان تفضل موجوده على طول
العلاقه التانيه بين حياتنا والمانجه .. اننا بنحب حاجات تفضل معانا طول حياتنا لكن هى بطبيعه الحال مبتجيش غير كل فين وفين ..بنفتكرها بالذكريات وبالصور والفيديوهات وبالزيارات والخروجات والفسح .
افتكروا معايا فيه ايه تانى ... اااااااه .. الرومان ... الرومان ده بقى ليه قصص وحكايات معانا واحنا مش عارفين ..
هفسرلكوا اكتر .. احنا حياتنا مليانه ضغوط ومشاكل وظروف خارجه عن ارادتنا بتخلينا مضغوطين ونفسنا نغير جو ونطلع من الى احنا فيه
الرمان مش مطلوب كتير فى محل العصير لكن كل فتره كده بيطلب زى حياتنا بالظبط بنيجى كلنا فى وقت من السنه وعاوزين ناخد اجازه .. نبطل تفكير .. نطلع نصيف بره ... ناس بتحب السفر ... ناس بتحب السينما وغيرها كتير
اكيد ده مش بيحصل كل يوم .. بس بيحصل مره فى السنه او مرتين بالظبط كده زى حبات الرومان كل حبايه منها اكنها تخفيف من ضغوط الحياه الى بنعيشها .
طبعا فيه فواكه كتير جدااااااا متكلمناش عنها بس لو كل واحد فينا فكر هتلاقى فيه حاجه تنعكس على حياته بالظبط بس احنا مبنحاولش نفكر فى حاجه زى دى او مخاطرتش على بالنا قبل كده .
بعد كده قبل ما تشرب حاجه فكر مودك ايه ساعتها وبتفكر فيه على اساسه اشرب :):):):)
بس مين بقى حياته زى البوريو باللبن ..:))))
ياريت الى يعرف يبقى يبلغنــــــــــــــــــــــــــــــــــــــــــى بقى
:D:D:D
استودعكم الله
سارة كامل
انا بحس ان الناس كلها بتتعامل مع بعض رى الجوافه...مش بياكلو قلبها و بيسموه بزر...الناس ديما مهتمه بالمظهر الخارجى و سايبه قلب الجوافه اللى هو احلى شىء فيها و مسكر جدا...مش عارف ليه بس يمكن بنستسهل...و فى حاجه تانيه...التمر....كلنا تمر..بيعمل احمر فلسان كل الناس...بنرغى كتير فكلام مالوش لزمه و بننشر فتنه و نحبط ناس و نظلم ناس اكتر..فالاحمر بتاع التمر ..بيتحول دم اعراض و ياس و احباط الناس دى
ReplyDeleteحلوة اوى اوى تشبيهاتك يا حسام بجد اقنعتنى بيها جدا وفعلا عندك حق فيها ااوى ... وساعات كتير بجس اننا كل الفواكه بكل جمالها فى شكلها وطعمها وكل الوحش فيها لما تحمض او تبوظ ..ميرسى يا حسام على تعليقك :)
ReplyDelete